Кырӟан юрттӥз ожын но, ужын но
Вормон нуналэз пусъён ужрадъёс быдэс Россиын ортчизы, кунгож сьӧрын
но чузъяськизы. Вуж Ӟатчаысь реабилитационной центрын со дыре шутэтскись
арлыдоос но палэнэ ӧз кыле, Быдӟым вормонлы сӥзем концертъёсты учкизы.
Котькуд ар куартолэзе дорамы “Забота” нимо целевой программая ожысь
ветеранъёс, соослэн палкышнооссы но трудовой фронтын ужам ветеранъёс дунтэк
шутэтско. Туэ центрамы 20 арлыдоос улӥзы. Жаляса верано, ожысь ветеран огез гинэ
вал - Вуж Ӟатчаысь ик Евгений Шутов. Туж гажаськом ми сое, сӥлы кариськом
кылемъёссэ но шутэтскисьёсмес - соослэн пельпумъёссы вылын возиськиз фронт,
нылкышноос но пиналъёс сюдӥзы но дӥсязы солдатъёсты, ож тӥрлык соослы лэсьтӥзы. Нош юрттӥз ваньзылы кырӟан.
Таӵе быдӟым праздниклы луыса, пересьёсмес шумпоттон понна
Алгазыысь но Сюровайысь кырӟасьёсты ӧтимы. Алгазыысь “Сударушки” ансамблез ми
туж умой тодӥськом, дорамы соос ӵем ветло. Евгений Никандрович но туж яратэ
отысь кырӟасьёсты, огеныз, Нина Новиковаен, эшъяське но.
Алгазыослэн чебересь, чылкытэсь куараоссы, ог-огзылы тупало, кыдёке шуккисько.
Нош сюровайёсты ми нырысьсэ кылзӥм но учким. “Азвесь” ансамбльлэн репертуараз тросгес
удмурт кырӟанъёс, арганчиоссы но вань: Василий Байкузин но
Василий Ложкин. Удмурт сямен ваньмы ум ке но валаське, ачим но озьы ик, кырӟанлэсь чузъяськемзэ
гань-гань кылзӥм. Ансамбльлы 20 ар туэ тырмем ини, соин шӧдӥське огкылысь кырӟамзы, кырӟанэз яратэмзы. Огъя
вераса, кыкез ик коллективъёс туж яразы. Соос аспӧртэмесь, узыр лулпушоесь но тырмытэсь. Тау
чебер концертъёс кузьмамзы понна. Оскиськом, “Сударушки” но “Азвесь” ансамбльёс
милемды азьланяз но шумпоттылозы на.
Людмила СОБОЛЕВА,
Вуж Ӟатчаысь реабилитационной центрлэн кивалтӥсез
Комментариев нет:
Отправить комментарий