Якшур-Бӧдья гимназиын ФГОС-ъя удмурт кылын урок ортчиз

Ӟеч кылын юнматон

кудзэ шедьтыны луэ пӧртэм источникъёсысь. Ойдолэ асьмеос но туннэ урокысь басьтом мур

тодон-валанъёс», - таӵе кылъёсын вазиськиз Якшур-Бӧдья гимназиысь удмурт кылъя но литературая дышетӥсь Любовь Широбокова 6-тӥ классын дышетскисьёсызлы.

Зэм но, «Вопросительной но относительной местоимениос» темая пиналъёс быдэс урок пӧртэм ужъёсысь выль темая мае ке но выльзэ но выльзэ тодӥзы. Кыӵе бен ужъёсты быдэстоно луиз пиналъёслы?

Нырысь ик, кинэ, кудӥз, кыӵеез, кӧняез кылъёс пыр юнматӥзы, кыӵе учыръёсы кылъёсын э, и, е  букваос гожтӥсько; та кылъёс местоимениос луо шуыса веразы; парен ужаса, тодазы вайизы, ма со местоимение. Со сяна, сётэм кылъёс предложениын вопросительной яке относительной местоимениос луыны быгато вылэм шуыса тодӥзы. Бен со выль тема ук! Нош кыӵе ужпумъёсты быдэстозы меда пиналъёс? Ог-огзылэсь висъяны вопросительной но относительной местоимениосты, соосты падежъёсъя вошъяны, вераськон кылэ пыртылыны дышетсконо. Та ужпумъёсты быдэстон понна, урок ӵоже пӧртэм ужъёсты-исследованиосты  быдэсъязы дышетскисьёс.

Ваньмыз куноос – удмурт кылъя но литературая Кекоран, Мукши, Ӵошкыт школаысь дышетӥсьёс – одӥг малпанэ вуизы: урок туж зол дасямын, вань чыры-пырыос но лыдэ басьтэмын, одӥгез этапез лякытак гинэ мукетаз выже; уже кутэмын мультимедийной презентация, интерактивной доска; тупа ФГОС-ёслэн куронъёссылы – пиналъёс асьсэос дышетскыны дышетско: темаез но, ужпумъёсты но, уроклы йылпумъянъёс но дасям кыл сочетаниос-клишеосъя верало. «Та урокын физкультминутка но кулэ ӧй вал, дышетскись котькудӥз сямен доска доры ужаны потаз, султылӥз но пуксьылӥз», - тазьы вераз Кекоран школаысь удмурт кылъя дышетӥсь Елена Байкузина.  Нош Мукши школаысь визьнодась Надежда Гильманшина таӵе кылъёс но гожтэм:

Тӥ понна гинэ туннэ шунды пиштоз,

Тӥ понна гинэ туннэ уӵы чирдоз,

Тӥ понна гинэ туннэ сяська пезьдоз,

Тӥ понна гинэ туннэ

                         ваньмыз та вормонъёс.

Паймымон, ма мында лэсьтыса вуизы! Тазьы пайдалыко ужаны косэ котькуд ужез дунъян. Кызьы сое валано? Котькуд быдэстэм ужзылы пиналъёс асьсэлы но дунъет (оценка) сёто, доска дорын ужам эшсылы но эшшо валэкто на, малы сыӵе оценка пукто. Кызьы-о, вылды, уд ужа? Конешно, ӝабыр-ӝабыр тыршоно луэ!

Удмурт кылъя но литературая дышетӥсьёс бадӟым тау каремзэс верало Любовь Михайловналы но 6-тӥ классын дышетскисьёслы ужаны быгатэмзэс возьматэмзы понна, нош анай-атайёссылы сӥзем потэ – котьку дась мед луозы пиналъёссэс ӟеч кылын юнматыны.

Людмила ОБУХОВА,

Ӵошкыт школаысь удмурт кылъя дышетӥсь