Книгаез яратӥсьёс уло Мукшиын
Дасэтӥ арзэ ини Мукши школаысь пичи классъёсын дышетскисьёс книгалы сӥзем ужрадъёсы пырисько. Дышетӥсьёс
сое туэ юбиляр луись ӟуч писательёслы сӥзизы, сӥлы каризы удмуртъёссэ но - Кузебай Гердэз
но Ашальчи Окиез. Соослы туэ 115 ар тырмысал.
Пиналъёс та арнялы
(нош туэ со 9 нунал кыстӥськиз) нимысьтыз дасяськизы. Писательёслы сӥзем викторинаосы пыриськизы, кроссвордэз
сэрттыны-пертчыны выризы, произведениосъя суредъёс лэсьтӥзы, кылбуръёс лыдӟизы, кызьы утёно котыр улосэз памятка
гожъязы но трос мукетсэ лэсьтӥзы.
Праздник книгалы сӥземын вал бере, гурт но школа
библиотекаосысь ужасьёс, мон но Надежда Фёдорова, формуляръёсты кутыса, юри
лыдъямы, кин тросгес книга басья. Озьы ми тодӥм, тужгес трос лыдӟиське вылэм 1 классысь Софья Широбокова, нош трос лыдӟиськись луиз 4 класс.
Йылпумъяськиз арнямы
ярмаркаен. Кӧня выль книгаос ваемын вал, пиналъёс ваньзэ ик басьтӥзы. Вормисьёс грамотаосын пусъемын,
мукетъёсыз таукаронъёс басьтӥзы. Бадӟым тау верам потэ классъёслэн кивалтӥсьёссылы: Валентина Абросимовалы, Елена Вахрушевалы,
Надежда Кузнецовалы но Зинаида Перевозчиковалы. Соослы луыса пиналъёс
книгаослэсь уг люкисько.
Елена ИВАНОВА,
Мукшиысь СИКЦ-лэн
кивалтӥсез
Комментариев нет:
Отправить комментарий