Школае
ветло нунокъёссэс адӟыны
 |
| 1-б класс |
Арлы быдэ одӥгаз тулыс кӧснуналэ (субботае)
тросэз гинэ гуртоос райцентре потон сярысь сюлмасько. Мар бен соосты Бӧдьяла кыске? Мугез
вань гинэ - гурт гимназиын бабушъёслы но дедушъёслы сӥзем нунал ортче.
Гимназиын дышетскись
пиналъёс тросэзгес Якшур-Бӧдьяысь ке но, гуртъёсысь потэмъёсыз но трос. Егит семьяос ёрос центре улыны
выжо, куд-огъёсыз нош нылпиоссэс гуртысь машинаен нулло. Палэнын улӥсь арлыдоос сокем ӵем уг адӟыло нунокъёссэс, соин соос шумпотыса лыкто школае.
Тани Порвуысь Семён Поздеев гимназие кемалась ветлэ ини. Нырысь -
нылызлэн классаз, нош куать ар талэсь азьло Илья внукез доры вуылыны кутскиз,
пияш 6-а классын дышетске. Вань на Семён Ивановичлэн 1-б классэ ветлӥсь нунокез Никита. Воргорон вера:
 |
| 4-а класс - удмурт класс |
- Кызьы бен уд мыны
пиналъёс доры. Соос витё ук, эскеро, вуи-а, ӧй-а? Мон ачим шумпотыса мынӥсько гимназие. Тунсыко кылзыны кызьы
дышетскемзы, выль программаос сярысь. Ми понна дасям урокез учкыны туж яра,
отын веть вань пиналъёс ужало, тыршо асьсэды возьматыны. Выльдӥськонъёс арысь аре луо, выль компьютеръёс,
мукет вуэм тӥрлык сярысь вера директор Татьяна Веселкова. Веть асьмелэн со ӧй вал, бумага но карандаш шеде ке, шуд вал
ми понна. Калык котькуд ар трос люкаське, ваньзэс ик сӥлы каро, ческыт утялто. Тау со понна
гимназиысь дышетӥсьёслы но сиён дасясьёслы.
Трос гинэ гуртоос вуо
татчы. Сюровай, Порва, Пислеглуд, Выжоил, Якшур, Кесвай, Ӵошкыт но мукет гуртъёсысь. Котькудӥз та нуналэ шӧдэ, соосты гажаса витё, нош пиналъёслэн
рос-прос дышетскыны луонлыксы бадӟым.
Вера ВАХРУШЕВА
Комментариев нет:
Отправить комментарий