Вордскем кыллэн нуналыз гимназиын

Удмурт кыл мынам семьям

Вордскем кыллы сbзем нунал быдэс дуннеын 2000-тb арысен пусйиське. 1952-тb арын 21 тулыспалэ Дакка городын, Бангладешлэн шоркараз, полициялэн ыбылэмез бере кjня ке студентъёс бырыны шедизы. Со егитъёс “бенгали” кылзэс кун кыл чотэ пыртон понна демонстрацие пыриськизы. Мар бордысен со потbз? Та югдурлы саклык висъян понна, 

ЮНЕСКО огазеяськон 21 тулыспалэз вордскем кыллэн нуналыз луоз шуыса ялbз.

Россиын та лыдпус 13 ар xоже ик паськыт уг пусйиськы на, но берло аръёсы шаерамы удмуртлыкез утён сярысь сюлмаськисьёс та нуналэ туж яркыт, сюлме пырымон но тодэ кыльымон ужрадъёс ортчытъяло. Котькуд ёросын, тросаз школаосын. Ёросысьтымы гурт гимназия сыxе чjлтонъёсын котьку ик адpем карымон луэ. Вордскем кыллы сbзем нуналэз арысь аре пусйыса, тырмымтэосты но пайда вайись тодметъёсты чакласа, туэ отысь дышетbсьёс паськыт ужрад ортчытbзы, “Удмуртлык мынам семьяям” сое нимазы.

Гимназиын удмурт классъёсын дышетскисьёс понна та нунал зэмос праздник луиз. Урокъёс бере ваньзы ик школалэн актовой залаз люкаськизы, ог-огзылэсь  быгатонлыкъёссэс учкыны, асьсэды возьматыны.

Дышетbсьёс зол сюлмаськизы, кызьы меда ваньмыз ортчоз? Такем паськыт ужрад нырысьсэ дасязы уго. Сюлмаськемзы юнме луиз. Котькуд класс ас понназ дасяськиз ке но, огъя ужрад туж тунсыко пjрмиз.

Нырысь ик синмез кыскизы пумиськонэз нуисьёс - 11-тb классысь Ксюша Эсенкулова но 4-тb классысь Антон Широбоков. Огез веськрес но чебер, мукетыз - етbз но мусо. Кыкназы ик удмурт дэремъёсын. Ужрад кутскиз Флор Васильевлэн кылъёсыныз:

Кинлы кулэ на, пе,

                         удмурт кылэд?

Гуртад сяна

                  уд вераськы соин.

Сыxе вераськонэз ке

                                  кылbсько,

Котьку солы туж лек воже

                                            потэ.

Анай кыл -

          улонэ нырысь вамыш,

Сотэк уд лэсьты

                   мукетсэ вамыш...

Флор Васильев вань улонзэ сётbз анай кылэз данъян понна. Уг вунэто сое туала кылбурчиос но. Тани мар гожтbз Люза Бадретдинова:

Кыxе умой - тон вань:

Xемтылыку - lутbськыны,

Висьылыку - эмъяськыны,

Жадьыкум - шутэтскыны,

Яратыкум - бурдъяськыны.

Кыxе умой - тон вань:

Анай шjмо, анай тусо,

Анай сямо кылы.

Ксюшаен Антонэн удмурт кыл сярысь малпанъёссэс усьтэм бере, асьсэлэн семьяоссы сярысь веразы Якшурысь 5-а классысь Яша Широбоков но 6-а классысь Анжела Широбоковалэн анаез Елена Михайловна. Туж йjно адскиз сцена вылын Яша, lот-lот вераз  мумы-бубыез но сузэр-агаез сярысь. Нош Елена Михайловна семьяезлэн сюлмаськонъёсыз, шумпотонъёсыз, данъяськонъёсыз сярысь быдэс кылбур гожтэм. Тbни таxе дыръя ик шараясько быгатонлыкъёс. Елена Широбокова вольыт но чебер кылбураны пjрмытэ вылэм.

4-а классысь усточиос воксё выль жанрез эскериллям: “Пань-пань, котэм нянь” серемес веросъя мультфильмлы матын луись проектной уж возьматbзы. Пластилинлэсь лэсьтэм геройёссэс пиналъёс, пjртэм учыръёсы пуктылыса, туспуктэмъёс лэсьтылbллям, верос лыдpемзэс диктофонэ гожтbллям. Тунсыко уж, но диктофонэ гожтэм куараосты секытгес вал кылзыны. Азьланезлы дэмлан: презентациез но куараез огинэ кароно.

Таxе представлениос вискын дышетbсьёс Нина Широбокова но Ангелина Кузнецова удмурт шаер сярысь юанъёс сётъязы - кин тросгес шонер веран шедьтоз, со ик вормоз.

“Семья” темаез сяна, дышетbсьёс озьы ик ужпум пуктbзы удмурт калыклэсь культуразэ, быгатонлыкъёссэ возьматыны. 9-а классысь Данил Широбоков пыр-поч мадиз мамаез сярысь. Нина Александровна азьло xем печатласькиз “Ошмес” газетын, али но кылбуръёс гожъя. 10-а классысь Ксюша Эсенкулова анаез сярысь презентация дасям. Соин гинэ jз тырмы, Ирина Сергеевна “Пичильток” юморесказэ лыдpиз. Залын пукисьёс кjтъёссэс посыса ик горизы, серемчилэсь выросъёссэ учкыса. Ваньмызлы йылпумъян 10-11-тb классъёсысь нылъёс лэсьтbзы - удмурт эктон возьматbзы.

Но таин гинэ ужрад jз йылпумъяськы. Тодматскем бере ужано. Вань пиналъёс группаослы люкиськизы - озьы соос пjртэм мастер-классъёсы пыриськыны мылкыд каризы. Пусъёно, мастер-классъёс тунсыко темаосъя ортчизы. “Айкай” (театр) нимозэ нуиз Ирина Эсенкулова. “Ошмес” (журналистика) - газетысь корреспондент Вера Вахрушева. “Мунё” - дышетbсь Ирина Назарова. “Зарни киос” - Якшур-Бjдьяысь анай Светлана Широбокова. Кылбур гожъяны дышетbз Нина Широбокова, нош суреданы - азьло дышетbсь Виталий Широбоков. Мастер-классын пjрмем киужъёссэс, кылбурзэс, суредъёссэс но сценкаез пиналъёс сцена вылэ потыса ик возьматbзы. Собере дышетbсьёс, кык Любовь Широбоковаос (егитэз но мjйыэз), 9-а но 4-а классъёслэн кивалтbсьёссы, тужгес зол тыршем пиналъёслы но ужрадэ пыриськем мумы-бубыослы таукаронъёс сётъязы.

Таxе праздникъёслэсь умой мылкыд гинэ кыле, нош пиналъёс пjртэм ужрадъёсы пыриськыны дышо. Удмуртъёсаз гинэ уг, быдэс школалэсь тау со понна вань вылb верам дышетbсьёслы - соослэн тыршеменызы удмурт пиналъёс азьпал мыно, будо, керпотонзэс вормо. Озьы ик азьланяз но мед луоз. “Гимназия котьку ик сюрес усьтылbз удмурт кылэз дышетон понна,- ужрадлэн кутсконаз ик вераз директорзы Татьяна Веселкова.- Ми туж шумпотbськом, удмурт классъёс арысь аре люкаммы луэ шуыса”. Та кылъёсыз сюлмысьтыз пото, соин ик оскон вань - азьланяз но вордскем кылмы калыке потоз, куспамы вераськон кыл луоз.

Вера ВАХРУШЕВА

Туспуктэмъёсыз

Николай ЯКОВЛЕВЛЭН